1, 2, 3...comezamos nova semana!!!!

Ola, nosos rapac@s de 6º!!!!!

Aquí estamos unha semana máis cargad@s de enerxía e ganas de compartir con tod@s vós uns ratiños de traballo e tamén de diversión. 

Como sabedes @s que vos conectastes o pasado venres á videochamada, esta semana temos a xunta de avaliación e a semana que vén, entregaremos as notas. 

Así que, xa podemos dicir que estamos chegando a final de curso. Un final de curso ben diferente do que nos podiamos imaxinar, pero un fin de curso especial. 

Acabades unha etapa moi importante e deixades atrás uns anos preciosos da vosa infancia. Nós, como titor@s estamos moi orgullos@s de tod@s vós e desexámosvos moita sorte na seguinte etapa que vos espera a partir do curso que vén.

Esta semana, gustarianos que fixerades algo especial cada día da semana, así que imos deixarvos un pequeno calendario semanal para que vos organicedes e fagades cada unha das tarefas propostas:

LUNS	MARTES	MÉRCORES	XOVES	VENRES
REFLEXIONAR SOBRE A VOSA ÁRBORE FAVORITA E ESCRIBIR O SEU NOME NUN COMENTARIO DE BLOGUE NA ENTRADA DE CIENCIAS NATURAIS	PREPARAR UN BATIDO DE FROITAS CASEIRO	CHAMAR POR TELÉFONO A UN AMIG@ DO COLE	DICIRLLE "QUÉROTE" A UNHA PESOA QUE QUERES E NUNCA LLO DIXECHES	PREPARAR UNHA MERENDOLA DE FIN DE CURSO CON FESTA DE DISFRACES INCLUÍDA (ISTO FARÉMOLO POR VIDEOCHAMADA TODA A CLASE)

Que vos parece esta idea? Gústavos rematar así o curso?