Comunicación venres 15 de maio de 2020

Bueno rapac@s, como xa comentamos, o domingo é o Día da Letras Galegas, e este ano as celebracións teñen que ser diferentes a outros anos. En concreto, tódalas celebracións serán trasladadas ao 31 de outubro, pero nós este domingo podemos facer algo para reivindicar que se valore a nosa lingua, e que mellor maneira de facelo que falar galego todo o posible ese día, polo menos en familia. Imos chamarlle "O galego en familia". 

Para practicar, podedes comezar hoxe mesmo falando galego, por exemplo, á hora da comida ou na cea ou durante a tarde...

Algún de vós xa o fala sempre ou algunha vez, e vaille ser doada a experiencia, pero a outr@s vaivos custar un pouquiño, pero vale a pena, xa veredes. TODOS FALANDO GALEGO NA CASA.

Xa vos pedirei que me contedes a experiencia máis adiante, outro día.

Unha aperta!