Benvida unha nova semana

Ola a todos e a todas!!!!!

Como foi a finde? Puxestes en práctica o "galego en familia"? Xa vos pedirá Cachiso que lle expliquedes máis polo miúdo que tal foi a experiencia...

O venres, que ademais foi o Día da Familia, fixemos a nosa primeira quedada virtual. O certo é que a pesar de non poder comunicarnos todo o ben que nos houbera gustado, fíxonos moita ilusión vervos a case tod@s. Este venres repetimos experiencia, esta vez dende outra plataforma para probar a que máis nos convenza. Apetétevos?  

Ademais, tivestes a vosa excursión virtual de fin de curso, que rematará cunha quedada presencial por grupos de 10 en diferentes puntos da comarca. Para iso, gustaríanos que escribírades o lugar que mellor vos veña para quedar (Moaña, Cangas, Bueu ou indiferente) e poder ir organizando os grupos.

Esta semana, queremos que enviedes os vídeos das emocións e os da cantiga dos maios para poder subir os vídeos conxuntos de toda a clase. Aínda quedades bastantes por envialos. 

Para hoxe, como tarefa, vouvos propoñer un pequeno repaso sobre Números decimais.

Son catro operacións moi sinxelas para non perder o fío...

1. Suma de números decimais: 

342,528 + 0,37=

2. Resta de números decimais:

6.726,34 - 5,3026 =

3. Multiplicación de números decimais:

46,562 · 38,6 =

4. División de números decimais (calcular sempre dúas cifras decimais no cociente se rematamos a división antes de chegar a obter estas dúas cifras) : 

Dividendo decimal: 526,6562 : 7 =

Divisor decimal: 5126 : 62,37 =

Dividendo e divisor decimais: 5627,64 : 67,5261 =

Enviade a tarefa a palomakaifer@hotmail.com